Biznesmeni Davide Pecorrelli, i cili u gjet i gjallë 9 muaj pasi inskenoi vdekjen e tij në Pukë, deklaroi në prokurorinë italiane se u ndihmua nga një prift në Pukë për të shkuar në Medjugore. Nisur nga kjo ka reaguar i vetmi prift i Pukës, Dom Zef Markun i cili mohoi të ketë lidhje me këtë ngjarje. Për faxnews, Marku shtoi se do të padisë për shpifje, ata që kanë tentuar t'i dëmtojnë imazhin.
Sipas dom Zefit kjo është nje akuzë e rendë e pabazuar në fakte, për më tepër e hedh poshtë duke e argumentuar me faktin që një prift shqiptar nuk ka sesi të ketë lidhje me fretërit e Medjugores tek të cilët thuhet se Pecorrelli ka qëndruar atje. Kujtojmë se biznesmeni italian, tha se e inskenoi vdekjen e tij, pasi ishte i zhytur në borxhe.