JOQ Albania
App Store
SHKARKO
Home
JOQ Albania

Drift në mes të Lezhës/ Kush janë dy shoferët që xhironin gomat, i postonin në rrjetet sociale?
Shkruar nga: G Hasani | Publikuar më: 23/09/2021 9:13

  • Share
  • Share
  • Share
  • Share

Dy të rinj janë proceduar penalisht nga policia e Lezhës pasi bënin drift me makinë në mes të qytetit dhe më pas postonin video në rrjete sociale. Gjithashtu, janë bllokuar 2 automjetet dhe për secilin prej drejtuesve kanë vendosur masën administrative 40.000 lekë.

Njoftimi i policisë:

Policia e Lezhës, pas publikimit të një videoje në rrjetet sociale, ku shfaqeshin 2 drejtues mjetesh që rrezikonin përdoruesit e tjerë të rrugës dhe prishnin rendin e qetësinë publike duke kryer manovra të rrezikshme me makinat e tyre në rrugë, në "Rrethrrotullimin e Katedrales", Lezhë, falë veprimeve të shpejta dhe bashkëpunimit të ngushtë me qytetarët, ka bërë të mundur identifikimin e drejtuesve të mjeteve të shfaqur në video. Në vijim të veprimeve hetimore, specialistët për Hetimin e Krimeve në Komisariatin e Policisë Lezhë proceduan penalisht për veprën penale “Prishja e qetësisë publike”, drejtuesit e mjeteve, shtetasit K. F., 25 vjeç dhe E. B., 22 vjeç, banues në Ishull Lezhë.

Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme.