JOQ Albania
App Store
SHKARKO
Home
JOQ Albania

SHBA: Do japim 500 milionë vaksina shtesë për vendet e varfëra
Shkruar nga: N Hoxha | Publikuar më: 23/09/2021 1:34

  • Share
  • Share
  • Share
  • Share

Pfizer dhe BioNTech do t'i japin 500 milionë doza shtesë të vaksinës së tyre Covid-19 qeverisë amerikane për t'ia dhuruar vendeve me të ardhura më të ulëta. Kjo nismë përfaqëson një zgjerim të marrëveshjes së kompanive me qeverinë amerikane për të siguruar doza shtesë me një çmim jo-fitimprurës për kombet më pak të zhvilluara. Me këtë shtesë, numri i përgjithshëm do të shkojë në 1 miliard vaksina të ofruara nga Pfizer dhe BioNTech. Në përputhje me marrëveshjen fillestare, qeveria amerikane do të ndajë doza të vaksinës Pfizer-BioNTech Covid në 92 vende me të ardhura të ulëta dhe të mesme të ulëta dhe 55 shteteve anëtare të Bashkimit Afrikan, tha Pfizer të mërkurën.

Dërgesat e 500 milionë dozave fillestare filluan në gusht dhe totali prej 1 miliardë sipas marrëveshjes së zgjeruar pritet të dorëzohet deri në fund të shtatorit të ardhshëm, shtoi kompania. Përveç marrëveshjes së furnizimit me qeverinë amerikane, kjo përfshin marrëveshje të drejtpërdrejta të furnizimit me qeveritë e vendeve të veçanta dhe një marrëveshje të drejtpërdrejtë të furnizimit me COVAX për 40 milionë doza në vitin 2021.

Burimi: CNBC |Përktheu dhe Përshtati: JOQ Albania