Burime nga Policia e Shtetit bëjnë me dije se ish-kryeprokurori Adriatik Llalla është shpallur zyrtarisht në kërkim, pas kontrollit që u ushtrua pak më parë në bnesën e tij. Mësohet se Llalla ka dalë nga Shqipëria përmes aeroportit të Rinasit dy javë më parë në drejtim të Italisë. Por mbetet e paqartë se si Llalla është larguar në mënyrë kaq të thjeshtë dhe kaq hapur nga vendi ynë, ndërkohë që ai ishte dënuar nga GJKKO me dy vite burg për fshehje të pasurisë. Gjatë ditës së sotme, në media u publikua githashtu edhe një foto ku ish-kryeprokurori shihej në një stacion treni në Romë. Bëhet me dije gjithashtu se ai ka ikur për mjekim, por deri më tani nuk dihet vendndodhja e tij.