Pikëpyetjet po shtohen në Afganistan për dy liderë të vjetër të grupit militant në pushtet, të cilët janë zhdukur nga shfaqjet publike prej disa ditësh, gjë që ka nxitur spekulime se mund të jenë vrarë. Sulail Shaheen, një zëdhënës i talebanëve, tha se Mullah Abdul Ghani Baradar, i cili u emërua zëvendëskryeministër javën e kaluar, lëshoi një mesazh zanor duke hedhur poshtë pretendimet se ai ishte vrarë ose plagosur në një përleshje. "Ai thotë se janë gënjeshtra dhe krejtësisht të pabaza"-tha Shaheen në një mesazh në Twitter. Baradar, i cili u emërua javën e kaluar si numri dy i Mullah Mohammed Hassan Akhundzada në qeverinë tranzitore talebane, ka munguar në sytë e publikut, duke bërë që disa afganë të ngrenë pikëpyetje nëse udhëheqësi i lartë ishte gjallë.
Talebanët kanë publikuar pamje ku supozohet se shihet Baradar në një takim zyrtar në qytetin e Kandahar, por nuk ishte menjëherë e qartë se ku është xhiruar video. Zhurmat vijnë teksa mbështetësit e Baradar janë përplasur me armë me luftëtarët e Sirajuddin Haqqani, i cili është fajësuar për sulme kamikaze me bomba gjatë kohës së luftës. Mohimet vijnë pas thashethemeve se përkrahësit e Baradar ishin përplasur me ata të Sirajuddin Haqqani, kreu i rrjetit Haqqani që është i vendosur pranë kufirit me Pakistanin dhe u fajësua për disa nga sulmet më të rënda kamikaze.
Burimi: France 24 |Përktheu dhe Përshtati: JOQ Albania