Në një kohë që vaksinimi i detyrueshëm në vendin tonë po prek kategori të ndryshme të qyetarëve, duket se edhe vaksinimi i fëmijëve do të jetë i tillë. Gjatë një emisioni televiziv, mjeku imunolog Genc Sulçebe deklaroi se fëmijët duhet të vaksinohen, pasi Delta është si virusi i lisë së dhenëve që është shumë ngjitës. Ai tha se është një skenar që kur të fillojë shkolla, varianti delta të përhapet në klasa.
Ne kemi fëmijë të infektuar me forma të rënda në spitale. Deri në 15 % përjetojnë atë që quhet covid i gjatë. Një numër i fëmijëve në botë që kalojnë covid u shfaqet me vonë dhe një sëmundje e rëndë. Fëmija është kontigjenti më vunerabël dhe të ekspozuar nëpër shkolla. Duhet të fillohet sa më shpejt dhe të bëhet i detyrueshëm. Në nëntor do të fillojë ky proces, por unë them se duhet shpejt. Pas kalimit të covid te të rinjtë sidomos te ata nën 20 vjeç ka pasur dhe prekje të zemrës. Për mua një dozë e vetme do të ishte e mjaftueshme.
