Një sportist i xhudos, është tërhequr nga lojërat Olimpike në Japoni, pasi nuk ka pranuar të ndeshet me kundërshtarin izraelit. Ky është rasti i dytë që shënohet në këtë Olimpiadë, ku sportistët refuzojnë të ndeshen me izraelitin, pas luftës dhe bombardimeve që shteti i Izraelit ka bërë ndaj palestinës.
Mohamed Abdalrasool, 28 vjeç, nga Sudani, duhej të përballej me 27-vjeçarin Tohar Butbul në peshën 73 kg të hënën në mëngjes. Abdalrasool, i renditur në vendin e 469-të në botë, nuk ka dhënë një arsye për t'u tërhequr nga ndeshja, pasi ishte paraqitur për peshimin më herët gjatë ditës. Më herët, ka qenë një algjerian, ai që refuzoi sfidën me Butbul, pasi nuk donte t’i jepte as dorën.