"Trafik droge përmes doganës së Muriqanit, 3 kosovarë kapen me 20 kg kanabis", kështu ishin titujt e lajmeve në janar të vitit 2017-të ku raportohej se 3 persona kanë rënë në prangat e policisë në doganën e Muriqanit, në tentativë për të trafikuar 20 kg kanabis.
E mesin e tyre ishte edhe Dukagjin Lyta, shoferi që shkaktoi aksidentin në Kroaci e ku për pasojë humbën jetën dhjetë persona e shumë të tjerë u lënduan, raporton JOQ KOSOVA.
Tre burrat janë kapur ndërsa do ta trafikonin drogën me autobusin e linjës Kosovë – Gjermani me targë 07 183 CE. Nga arkiva e lajmeve kuptojmë se gjatë veprimeve hetimore të kryera është bërë arrestimi i këtyre shtetasve, pasi në Pikën Kufitare Muriqan, është ushtruar kontroll ndaj automjetit autobuz i linjës Kosovë-Gjermani.
Shoferi i autobusit që shkaktoi aksidentin tragjik ka dalë sot përpara prokurorit, ndërsa sipas të gjitha gjasave, do të mbetet në qeli, shkruajnë mediat kroate. Gjatë marrjes në pyetje, ai pranoi se e zuri gjumi mbi timon.
Zëdhënësi i Departamentit të Policisë Brod-Posavina, Damir Brezić u shpreh për mediat se shoferi u mor në pyetje pa avokat, por edhe pa një përkthyes të gjuhës shqipe, “sepse ai e kupton mirë gjuhën kroate”.