Një aksident tragjik ka ndodhur dje në autostradën Sllavonski Brod të Kroacisë, ku autobusi i linjës Frankfurt-Prishtinë u aksidentua dhe si pasojë dhjetë persona humbën jetën.
Në mesin e viktimave ishte edhe Alinda Iprijaj. Ajo udhëtonte drejt Kosovës me 4 nga 5 fëmijët e saj. Ajo humbi jetën në aksidentin tragjik, por 4 fëmijët shpëtuan për mrekulli.
Për Arif Kikajn , i cili mbërriti nga Peja para Spitalit në Slavonski Brod, emocionet janë të rënda. Vajza e tij 37-vjeçare Alinda Iprijaj mbeti e vdekur në tragjedinë në Kroaci.
Ai qan ndërsa flet për të, ndërsa më tej tregon se Alinda e ndjerë kishte në autobus me të 4 nga 5 fëmijët e saj. Fatmirësisht fëmijët nuk janë lënduar. Kur përmend këtë fakt se fëmijët nuk kanë pësuar lëndime, një buzëqeshje e zbehtë i kalon në fytyrë, shkruan vijesti.ch
Dhëndri i tij, burri i Alindës së ndjerë, Can Iprijaj ulet në një mur betoni dhe ngul sytë në hapësirë i përhumbur.
“Kam punuar për 10 vjet në Rijeka dhe 30 vjet më parë kam shkuar në Gjermani. Unë u ktheva në Kosovë dhe fëmijët e mi, Alinda dhe dy djemtë e tjerë, qëndruan në Shtutgart. Ajo ka punuar atje si infermiere. Ajo mendoi të vinte tek ne me pushime. Ata po mendonin të shkonin me aeroplan për në Prishtinë, por përsëri vendosën të merrnin autobusin për më lirë. Është një tragjedi e madhe për ne” tregon Arifi me lot, duke shtuar se do ta varrosë të bijën në Kosovë.
Fëmijët janë të moshës 14, 12, 9 dhe 7 vjeç. Ata i kanë parë ata dhe po presin momentin kur stafi i spitalit do t’i lejojë t’i marrë.
“Dhëndri ishte me ta. Ata e pyetën: Babi, ku është mami?” thotë Arifi, pastaj qan përsëri. Ata planifikojnë t’i marrin fëmijët në Kosovë dhe pas disa ditësh pasi të varrosin nënën e tyre atje, ata do të kthehen në Gjermani.
