“Kufoma 1 orë në rrugë”/ Plot ëndrra dhe shpresë, si Elona humbi jetën tragjikisht në aksident

Është identifikuar e reja me inicialet E.H, që bëri aksident me makinë dy ditë më parë në Hamallaj të Durrësit. Bëhet fjalë për 34-vjeçaren Elona Hoxha e cila ishte pasagjere në një mjet që u godit nga pas nga një makinë tip Benz dhe për pasojë gjeti vdekjen tragjike. E reja ishte në profesion ekonomiste, teksa kishte edhe një biznes të vetin, që përfshinte krijimin e dhuratave të personalizuara.

Sipas një dëshmitari në vendngjarje për JOQ në momentin kur ndodhi aksidenti, viktima ka qendruar në vendngjarje, për më shumë se një orë, e kjo për shkak të një rregulli të ri, që nuk dihet nëse është i shkruar apo jo. Qytetari raporton për JOQ, se kërkohej që trupi i vajzës, të merrej nga ambulanca e agjensisë furnerale që do të kryente shërbimet e fundit. Dyshohet se këto “lëvizje” bëhen me protagonizmin e policisë, të cilët marrin ndonjë lekë nën dorë.

Qytetari raporton:

Prsh JOQ, Kufoma ka nga 1 ore ne rruge ambulancat jan ktu nendrejtori policic thot mos ta marin sepse don qe ta mai ambulanca e vet qe ka dhe agjencin funerale. Edhe te vdekurit i kane kthyer ne binzes. Skandal.