Një ngjarje e rëndë raportohet të ketë ndodhur mbrëmjen e djeshme në fshatin Gurrë e Vogël të Klosit. Ylber Lezi, 47 vjeç është gjetur i vdekur në shtëpi dhe dyshohet se është qëlluar për vdekje nga vajza Aida 21 vjeç dhe bashkëshortja e tij Mine, 41 vjeç. Viktima ishte konsumues i alkoolit, ndërsa e shoqja vuante nga depresioni për shkak të kushteve të vështira ekonomike të cilat kjo familje jetonte.
Dyshohet se viktima ka patur konflikte me të bijën dhe të shoqen, teksa këtu të dyja në bashkëpunim me njëra-tjetrën, e kanë qëlluar atë me sëpatë dhe me dru. Fqinjët kanë qenë ata që kanë njoftuar policinë për shkak të ulërimave që kanë dëgjuar. Policia është përballur me rezistencën e të zonjës së shtëpisë për të hyrë brenda, teka kanë shqyer derën më pas për të konstatuar të vdekur Ylber Lezin.
Mësohet se M. Lezi ka thënë se bashkëshorti i saj ishte në gjumë, ndërsa policia pasi ka hyrë në banesë, ka konstatuar viktimën me plagë në trup dhe në kokë, që duket se i kishin shkaktuar dhe vdekjen e menjëhershme, raporton Fax. Nëna dhe vajza e saj 20-vjeçare janë shoqëruar për në komisariat, ku do të merren në pyetje, në mënyrë që të hidhet më shumë dritë rreth ngjarjes.
Gjendja e vështirë ekonomike e familjes, dëshmohet dhe nga fqinjët, të cilët thonë se kjo banesë prej disa ditësh nuk kishte as energji elektrike, për shkak të pamundësisë për të paguar faturat. Kjo familje kishte dhe një vajzë tjetër, e cila nuk ndodhej në banesë në momentin e krimit, pasi jetonte në Tiranë.