Goran Husinec, një ekspert trafiku në Kroaci ka komentuar aksidentin e tmerrshëm me bilanc tragjik ku mbetën të vdekur 10 persona. Sipas Husinec, në një rrugë me distancë aq të gjatë, ndërrimi i dy shoferëve nuk është i mjaftueshëm. “Çdo shofer autobusi mund të drejtojë automjetin për nëntë orë brenda 24 orëve, pas së cilës duhet një pushim të detyrueshëm. Dhe kur bëhet fjalë për autobusin, ai duhet të pushojë për tre orë pas 21 orësh punë, por kjo nuk respektohet. Dy shoferë në një rrugë kaq të gjatë janë shumë pak”-deklaroi ai.
“Kjo rrugë nga Frankfurti në Kosovë zgjat rreth 25 orë, por duke marrë parasysh kufijtë, pushimet… Dhe me turmat kur është sezoni, një udhëtim i tillë mund të zgjasë deri në 30 orë, kështu që tani llogaritni. Zgjidhja është e thjeshtë. Dhe kjo është të sigurosh apartamente në stacionet e ndërmjetme ku shoferët do të ndërroheshin dhe do të pushonin. Por kushton, kështu që ka shumë pak prej tyre që e kanë një gjë të tillë”.-shtoi eksperti.
