Për shkak të një gabimi të ndodhur në spitalin “Noa” në Massa, Itali, vajza e quajtur Virginia është bërë personi më i vaksinuar në Itali. Asaj iu injektuan gabimisht 6 doza të vaksinës Pfizer. Që nga ky incident kanë kaluar tre muaj, por 23-vjeçarja jeton përditë me ankth dhe e pasigurt për efektet anësore. Ajo kosnumon çdo ditë 7 litra ujë, por edhe me këtë sasi nuk hidratohet sa duhet. “Nuk jam mirë. Jeta ime ka ndryshuar rrënjësisht. Më duket se po jetoj në botën kuantike ku mbretëron pasiguria. Po kaloj një periudhë shqetësimesh fizike dhe psikologjike, kam bërë shumë ditë në spital. Më duhet t’i nënshtrohem kontrolleve të vazhdueshme neurologjike, kardiake, imunologjike dhe psikologjike. Mund të kem një ndryshim të sistemit imunitar. Kam humbur peshë, askush nuk mund të më tregojë kur do të jem përsëri mirë. Ata më thanë se mbidoza e vaksinës do ta anullonte vetë vaksinën dhe për këtë arsye nuk do të kisha antitrupa. Përkundrazi, antitrupat u rritën dy muaj e gjysmë pas injeksionit. Kam vlera që tejkalojnë 60 herë pragun e vaksinimit normal me dy doza”- ka thënë ajo në një intervistë për mediat italiane.
Burimi: corriere.it |Përktheu dhe Përshtati: JOQ Albania