Ditën e sotme Londra është goditur nga një valë e madhe përmbytjesh, duke përfshirë metrotë dhe ambiente të tjera të kryeqytetit anglez. Autoritetet kanë bërë thirrje që qytetarët të shmangin lëvizjet e panevojshme dhe të qëndrojnë në shtëpi, ndërsa kanë paralajmëruar për shira të dendur dhe gjatë të hënës. Ekspertët kanë paralajmëruar se disa biznese rrezikojnë të përmbyten, me shira që pritet të mbërrijnë deri në 55 mm. “Nuk kam parë kurrë një përmbytje të tillë. E pabesueshme, të gjitha gjërat janë zhytur në ujë. Nuk kam parë asnjëherë një nivel të tillë përmbytjesh në Londër”, tha një qytetar. Kujtojmë që ditët e fundit, Evropa Perëndimore është goditur nga përmbytje të shumta.
Në Gjermani e Belgjikë, por jo vetëm, janë regjistruar qindra viktima nga përmbytjet si dhe dhjetëra të tjerë të zhdukur. Dëmet ishin të konsiderueshme, ndërsa kryetarët e shteteve u zotuan për rimëkëmbje të gjendjes së krijuar.
Burimi: The Guardian |Përktheu dhe Përshtati: JOQ Albania