Një aksident tragjik ndodhi mëngjesin e sotëm në Kroaci, ku dhjetë shqiptarë nga Kosova humbën jetën në autostradën Bregana-Lipovac afër Slavonski Brod në Kroaci, teksa po ktheheshin nga Frankfurti për në Kosovë. Mediat kosovare raportojnë se në mesin e viktimave janë edhe dy gra nga komuna e Gjakovës, nënë e bijë. Bëhet me dije se vajza është 18 vjeç. Në lidhje me aksidentin, policia kroate dha një deklaratë të detajuar për shkaqet që çuan deri në përplasjen fatale. Sipas njoftimit zyrtar, aksidenti ndodhi në orën 6:19 të mëngjesit të sotëm. Shefi i Mbrojtjes Civile në Kroaci, Damir Trut dhe Ministri i Shëndetësisë Vili Berosh shkuan gjithashtu në vendinngjarje.
Ndërkohë, Drejtoria e Mbrojtjes Civile në Ministrinë e Mbrojtjes së Kroacisë ka publikuar një numër telefoni ku mund të merren informacione rreth pasagjerëve kosovarë që u aksidentuan këtë të diel. Zëvendëskryeministri kroat Davor Bozinoviq ka thënë se në këtë numër: 00 385 35 201 111 qytetarët mund të kontaktojnë për të marrrë informacione. Po ashtu Ministria e Punëve të Brendshme në Kosovë ka bërë të ditur se qytetarët që kanë nevojë për informata rreth situatës apo gjendjes së familjarëve të tyre të aksidentuar në Kroaci mund të kontaktojnë në numrin +383 (0) 38 200 76 000.
