Ditën e sotme u regjistrua një aksident tragjik në autostradën “Slavonski Brod” në Kroaci, ku një autobus me targa të Kosovës doli nga rruga dhe për pasojë humbën jetën 10 persona. Ndërkohë, në nderim të qytetarëve të Republikës së Kosovës, presidentja Vjosa Osmani ka marrë vendim që dita e hënë, pra më datë 26 korrik 2021, të shpallet ditë zie për viktimat e tragjedisë në Kroaci.
Vlen të thuhet se presidentja Osmani e ka ndërprerë vizitën në Japoni dhe nesër do të udhëtojë për në Kosovë. Ministria e Punëve të Jashtme dhe Diasporës në Kosovë, ka thënë se të viktimat janë bashkatdhetarë, të cilët kanë qenë duke udhëtuar në linjë të rregullt Frankfurt-Prishtinë. Ndër të tjera, raportohet se përveç 10 viktimave, 44 persona janë plagosur, ndërsa 15 prej tyre janë në gjendje të rëndë.
Në një njoftim të Ministrisë së Punëve të Jashtme dhe Diasporës në Kosovë thuhet:
Ndërkohë, kryeministri Albin Kurti është nisur drejt Kroacisë së bashku me zëvendëskryeministren dhe ministren e Punëve të Jashtme dhe Diasporës, Donika Gërvalla, ministrin e Punëve të Brendshme, Xhelal Sveçla, ministrin e Shëndetësisë, Arben Vitia dhe shefin i Stafit të Kabinetit të Presidentes së Kosovës, Blerim Vela.