Teksa jemi në kulmin e sezonit të pushimeve, shumë qytetarë i drejtohen bregdetit në këto ditë të nxehta vere. Por pushimet në Shqipëri janë një “sfidë” më vete për shkak të rrugëve dhe trafikut të mbingarkuar. E tillë paraqitet situata në rrugën e re të sapo inaguruar, e quajtur ndryshe edhe "By-Passi" i Vlorës. Kjo rrugë është vetëm me një kalim dhe për pasojë ka shkaktuar radhë të gjata pritjeje në këtë vapë përvëluese. Kalimi në rrugën e fshatit të Kaninës është kthyer në një makth të vërtetë për drejtuesit e automjeteve, të cilët shpesh janë të detyruar të presin me minuta të tëra për të kaluar. Siç shihet edhe nga pamjet e publikuara nga Fax, radhët e trafikut kanë qenë deri në hyrje të By-Passit, ndonëse u trumbetua me të madhe se do të lehtësonte trafikun.
