Detaje të reja janë zbardhur në lidhje me plagosjen e ndodhur mëngjesin e sotëm në Shkodër, ku u raportua se i plagosur mbeti një person rreth të 50-ave. Burime për mediat informojnë se bëhet fjalë për 52-vjeçarin Ardian Narkaj, banues në Koplik, i konsideruar si një person me rrezikshmëri të lartë dhe i shpallur në kërkim. Rezulton se Narkaj është i dënuar me 21 vite burg për vrasje të dyfishtë të ndodhur në vitin 2008 në fshatin Bratosh të Malësisë së Madhe, ku viktimë mbetën Gjergj Shota dhe Ton Ulaj. Mësohet gjithashtu se ditën e sotme Narkaj mbeti i plagosur gjatë ndjekjes nga ana e policisë dhe forcave RENEA.