Medalja e Artë e Distria Krasniqit në Tokio ishte lajmi më i madh dhe i pritur për botën mbarë-shqiptare, por pas atij erdhi edhe një lajm tjetër kryesor, nga sporti i Taekwondo. Raportohet se dy adoleshentë i habitën të gjithë duke mposhtur dy pretendentët kryesorë për medalje.
Supersurpriza ishte spanjollja Adriana Cerezo Iglesias, 17 vjeçe që mundi dy herë kampionen olimpike, 34-vjeçaren kineze Wu Jingyu.
“Nuk mund ta besoja. Ajo është një nga idhujt e mi, kështu që unë isha vërtetë e frymëzuar për t’u ndeshur kundër saj dhe testuar aftësitë e mia. Jam shumë e lumtur që në fund ja dola mbanë dhe fitova”, tha 17-vjeçarja.
Adoleshentja spanjolle tha se “sekreti” i fitores ishte tek përqendrimi dhe fakti se hyri në garë me mendjen se nuk kishte çfarë të humbiste.
Ndërkohë, në kategorinë e -58 kg për meshkuj, tuniziani 19-vjeçar Mohamed Khalil Jendoubi ishte surpriza pasi një fitoreje të befasishme ndaj Solomon Demse në çerekfinale. Sportisti i ri mundi më pas favoritin kryesor për medalje, koreano-jugorin Jang Jun, për të arritur në finale.