Janë oligarkët që renditen në vend të 4-t përsa i përket përvetësimit të parave nga Buxheti i Shëndetësisë nëpërmjet procedurave të tenderimeve publike. Bëhet fjalë pikërisht për Orjada Jahon dhe Ermal Rizajn zotërues të OES Distrimed, një prej kompanive që ka përfituar tendera në shkelje nga institucionet e Shëndetësisë. Ky çift oligarkësh janë më të privilegjuarit e kësaj fushe, pasi vlerat që kanë përfituar nga titullarët e institucioneve shtetërore të Shëndetësisë, janë të pafundme.
Pikërisht sot do të shqyrtojmë një tender me vlerë marramendëse, para që i janë futur në xhep Rizajve nga Enkel Joti, drejtori i QSUT, i cili njihet edhe si kasapi i parave publike, pasi i ndan ato në copa për oligarkët e tij të preferuar. Tenderi me vlerë 1.2 MLD është përfituar nga OES Distrimed si e vetme në garë dhe është shpallur fituese jashtë çdo kriteri të prokurimeve publike.
Joti është një prej personave më të afërt me Edi Ramën, që prej kohës kur ishte drejtor i një mediaje të madhe në vend. Jo pa shkak ai është emëruar në krye të një prej institucioneve më të mëdha të shëndetësisë, pasi di t’i bëjë pazaret Ramës dhe di të negociojë me persona të fuqishëm për të ruajtur interesat e tij dhe të shefit. Keli, djali i mbarë përflitet do të bëhet ministër shëndetësie në këtë mandat të tretë të qeverisë Rama, megjithatë gjithçka mbetet për t’u parë... Gjithmonë nëse i ashtuquajturi SPAK vepron dhe e vë në krye të listës si një prej personazheve që ka abuzuar më egërsisht me buxhetin e shtetit!
*Shënim I: Pjesët e nënvizuara në tekst me ngjyrë të kuqe, janë hiperlinke që të drejtojnë në faqe të tjera, informacione shtesë, shpjeguese në lidhje me lajmin*
© 2020 JOQ ALBANIA Të gjitha të drejtat e rezervuara
Ky artikull është ekskluziv i JOQ ALBANIA, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar JOQ ALBANIA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.