Një grua ka vjedhur diamante me vlerë 4.2 milion £ në një argjendari luksoze në Londër duke u paraqitur sikur ishte eksperte e gurëve të çmuar. Lulu Lakatos akuzohet se mashtroi argjendarët, duke pretenduar se detyra e saj ishte të kontrollonte profesionalisht diamantet nga kompania “Boodles” në Londrën qendrore dhe më pas me një lëvizje të shkathët të duarve, i zëvendësoi ato me gurë të zakonshëm. Veprimi i kryer nga 60-vjeçarja u zbulua në momentin kur argjendari hapi çantën e lënë nga gruaja me gurët e zakonshëm. “Diamantet u vodhën me një lëvizje shumë të shkathët dhe delikate të duarve dhe zonja në fjalë, luajti kryesor në këtë vjedhje tepër të sofistikuar, e cila kërkonte planifikim dhe marrje risku përsipër”, tha prokurori Philip Scott.
Lakatos në gjykatë e mohoi të kishte mashtruar argjendarin dhe për më tepër të kishte marrë gurët e çmuar. Shtatorin e kaluar, Lakatos u arrestua në Francë me një urdhër arresti evropian dhe u ekstradua në Britaninë e Madhe, ndërsa gjyqi ende vijon.
Burimi: The Guardian |Përktheu dhe Përshtati: JOQ Albania