Himni i Kumanovës i publikuar nga kryetari i kësaj komune, Maksim Dimitrievski ka nxitur reagime të mëdha në opinion. Versioni i publikuar nga Dimitrievski me titullin “Ode për Kumanovën” apo poezi lirike për Kumanovën sipas shqiptarëve në Maqedoni, përveç që nuk përkon me realitetin kulturor dhe etnik në Kumanovë, i njëjti nuk përfshin në filmime madje as vendbanimet shqiptare.
Opozita shqiptare e a vlerësuar të padrejtë dhe mos përfillje të qytetarëve shqiptar dhe të etnive tjera në Kumanovë.
Edhe nga BDI kanë deklaruar se distancohen nga i ashtuquajturi “himni për Kumanovën ose oda për Kumanovën”, për arsye se nuk përmban asnjë element përfaqësues të bashkësive të tjera që jetojnë në qytetin e Kumanovës. Projekti është financuar nga Fondacioni për kulturë dhe sport në Kumanovë me bashkëfinancim nga Komuna e Kumanovës.
E si kundërpërgjigjje ndaj këtij "himni" diskriminues, këngëtari nga Kumanova Ismet Bexheti ka nxjerr një këngë për Kumanovën e titulluar : Kumanovë zemra ime, ku në tekstin e kësaj kënge potencohet se shqiptarët janë në trojet e tyre, pra se Kumanova është e shqiptarëve.
Kënga është shoqëruar me një videoklip, në të cilin bien në sy ngjyrat kuq e zi dhe flamujtë kombëtar që valviten nga disa të rinj. Menjëherë pas publikimit, kënga ka filluar të shpërndahet masivisht nëpër rrjetet rrjetet sociale. Madje nga shumë përdorues të rrjeteve sociale është shpërndarë me mbishkrimin “Himni i Kumanovës”, si kundërpërgjigje ndaj projektit diskriminues të komunës së Kumanovës të udhëhequr nga maqedonasi Dimitrievski.