Të paktën 18 persona kanë humbur jetën si pasojë e përmbytjeve të shkaktuara nga shirat e rrëmbyeshëm në Kinën qendrore. Shumë njerëz në metronë e qytetit Zhengzhou në provincën Henan, ishin bllokuar në vagonë dhe në ujë, duke pritur për shpëtimin e tyre. Sipas mediave të huaja, shumë njerëz të tjerë janë zhdukur. Ndërkohë, ekspertët flasin për reshjet më të mëdha në rajon për 1,000 vite, pasi brenda një dite, ranë 55,88 cm shi.
Presidenti kinez Xi Jinping i përshkroi përmbytjet si “jashtëzakonisht serioze”, duke shtuar se disa diga ishin thyer dhe për pasojë kishin shkaktuar dëmtime, humbje jetësh dhe dëme pasurore.
Burimi: www.protothema.gr| Përktheu dhe përshtati: JOQ ALBANIA