JOQ Albania
App Store
SHKARKO
Home
JOQ Albania

Plagosja me armë zjarri në Kuçovë/ I plagosuri: Nuk e mora vesh si ndodhi, ai nxori pistoletën dhe më qëlloi në dorë
Shkruar nga: V Gashi | Publikuar më: 21/07/2021 12:56

  • Share
  • Share
  • Share
  • Share

Detaje të reja kanë dalë në dritë në lidhje me ngjarjen e rëndë të ndodhur mëngjesin e sotëm në Kuçovë, ku një 25-vjeçar me iniciale Xh.K. mbeti i plagosur me armë zjarri. Pak më parë është zbardhur dëshmia e të riut me iniciale Xh. K. që mbeti i plagosur nga R.Gj. 25-vjeçari ka thënë se nuk e ka kuptuar si kanë rrjedhur gjërat dhe se nuk e kishte pritur që debati me 26-vjeçarin R.Gj. Gjika të agravohej deri në përdorimin e armës.

“Nuk e mora vesh si ndodhi aq papritur. U zumë me fjalë dhe nuk e mendoja që situata do të agravohet, R. Gj. mori armën dhe më plagosi në dorë.”-mësohet të ketë thënë ai për uniformat blu.

Kujtojmë se ngjarja ka ndodhur paraditen e sotme në lagjen “11 Shkurti” në Kuçovë për shkak të një konflikti të çastit për motive të dobëta. 26-vjeçari është shpallur në kërkim, ndërsa i plagosuri ndodhet jashtë rrezikut për jetën.