JOQ Albania
App Store
SHKARKO
Home
JOQ Albania

Seksi ju ndihmon të keni një gjumë më mirë gjatë “valës së nxehtësisë”!
Shkruar nga: N Hoxha | Publikuar më: 21/07/2021 1:19

  • Share
  • Share
  • Share
  • Share

Jemi në pikun e vapës dhe të gjithë po përjetojmë ditët më të nxehta. Dhe teksa shumë prej nesh mendojnë si të qëndrojnë freskët dhe të flenë rehat duke përdorur kondicionerë, freskuese apo disa të tjerë thjesht duke lënë dritaren e dhomës hapur, mesa duket ka diçka që nuk na ka shkuar në mendje. Zgjidhjen për këtë e ka dhënë një ekspert i gjumit, James Wilson, i cili sugjeron se seksi mund të na ndihmojë të kemi një gjumë më të mirë gjatë natës. Megjithatë sipas ekspertit, disa nga proceset biologjike rreth seksit mund të ndikojnë negativisht në gjumë, veçanërisht në rritjen e rrahjeve të zemrës dhe çlirimin e adrenalinës, veçanërisht nëse është mjaft i fuqishëm.

Por nga ana tjetër seksi na ndihmon të ndihemi të lidhur emocionalisht dhe një orgazmë çon në çlirimin e hormoneve si prolaktina dhe oksitocina (hormoni i përqafimit). Kjo na bën të ndihemi të relaksuar dhe të qetë, çka është dhe gjendja perfekte për të patur një gjumë të mirë. Seksi gjithashtu ul nivelet e kortizolit, hormonit të zgjimit që rrit nivelet e stresit. James gjithashtu shton se nëse jeni duke fjetur pranë dikujt, gjëja më e mirë për të parandaluar “mbinxehjen” në këtë vapë është të keni një çarçaf të veçantë, me qëllim që nxehtësia e trupit të mos transmetohet tek partneri.

Burimi: Ladbible |Përktheu dhe Përshtati: JOQ Albania