Agjencia Evropiane e Barnave (EMA) ka njoftuar ditën e sotme se ka filluar vlerësimin në kohë reale të vaksinës të zhvilluar nga kompania farmaceutike franceze Sanofi dhe britanike GlaxoSmithKline. Kjo është vaksinë e pestë aktualisht nën vlerësim nga autoritetet europiane. Vendimi për vlerësimin e vaksinës “Vidprevtyn” erdhi pas rezultateve paraprake nga studimet në laborator. Kjo vaksinë mbështetet në teknologjinë e proteinave rekombinante, që filluan në të gjithë botën në maj. Pritet që Sanofi dhe GSK të marrin miratimin për vaksinën e tyre deri në fund të vitit 2021, pasi nga rezultatet paraprake është vënë re se vaksina prodhon një përgjigjë të lartë immune.
Katër vaksinat me autorizim EMA në BE janë Pfizer-BioNTech, Moderna, AstraZeneca dhe Johnson & Johnson. Ndryshe nga vaksinat e ARN-së si Pfizer dhe Moderna, të cilat duhet të ruhen në temperatura tepër të ftohta, vaksina Sanofi mund të mbahet në temperature e dhomës, çka rrit më shumë shanset për daljen e saj në treg. Vidprevtyn përdor të njëjtën teknologji si vaksinat sezonale të gripit Sanofi. Ajo do të kombinohet me një ndihmës, një substancë që vepron si një përforcues i vaksinës, i prodhuar nga GSK.
Burimi: Al Jazeera |Përktheu dhe Përshtati: JOQ Albania