Një aksident i rëndë ndodhi këtë pasdite në Rrugën e Kombit ku një autobus u përplas me një makinë të tipit “land Rover” në afërsi të Rubikut. Si pasojë e aksidentit ndërroi jetë drejtuesi i mjetit tip “Land Rover” i identifikuar si shtetas Hysen Saitaj 58 vjeç ndërsa u plagos djali i tij. Në automjetin me targa italiane “Land Rover” po udhëtonin babë e bir nga Kosova. Mjeti po drejtohej nga babai. Drejtuesi i mjetit autobus është shoqëruar në Komisariatin e Policisë Mirditë, për veprime të mëtejshme.