Disa çaste më parë është regjistruar një aksident tragjik në aksin rrugor Rubik-Rrëshen ku një automjet i tipit “Lange Rover” është përplasur me një autobus. Burime nga vendngjarja bëjnë me dije për JOQ ALBANIA se një person ka humbur jetën. Sipas dëshmitares, shoferi ka ndërruar jetë, ndërsa djali i tij është në gjendje të rëndë shëndetësore.
Mesazhi i qytetares, i dërguar pranë redaksisë së JOQ Albania:
Ne aksin reshen milot aksident me pasoje vdekjen. Aksident nje Range Rover me nje autobus. Nje person asht i vdekur, djali tij keq me jeten, Na largoi policia nga vendi i ngjarjes. Babai shofer vdiq, djali shume keq.
Mirditë/Informacion paraprak
Rreth orës 17:22, në aksin rrugor Rubik-Rreshen ,mjeti autobus është përplasur me mjetin tip “Land Rover” me targa italiane, ku si pasojë ka gjetur vdekjen drejtuesi i mjetit ende i paidentifikuar. Drejtuesi i mjetit autobus po shoqërohet në Komisariatin e Policisë Mirditë, për veprime të mëtejshme. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes .