Mospërfaqësimi i Kosovës në nivel ndërkombëtar nga Granit Xhaka ka qenë një temë shumë e përfolur viteve të fundit.
Në lidhje me këtë arsye tashmë ka folur edhe babai i Granitit, Ragip Xhaka, raporton FrontOnline.
Xhaka ka treguar “fije për pe” këtë situatë.
“Kam pas kontakt me Shqipërinë dhe një mospajtim ndodhi që kjo të mos bëhej. Sa i përket Kosovës, ka qenë e ditur se nëse këta shqiptarë luajnë në kampionate evropiane, nuk mund të luajnë Kosovën”, ka thënë Ragip Xhaka në RTV Dukagjini duke vazhduar:
“Ne e kemi dërguar te FIFA një letër pa ndihmën e askujt, dhe me anën e avokatit tonë, na është kthyer përgjigjja se tema është e mbyllur shkaku që kanë luajtur në evropian”.
“Kritikat pas asaj letre kanë ardhur ndaj meje dhe ndaj familjes sonë. Nuk e ndjej veten fajtor, të gjitha ato që i kemi bërë për Zvicrën dhe Kosovën, jemi krenar”, tregoi ai.
“Edhe pse Graniti luan te Zvicra, nuk e kemi harruar asnjëherë Kosovën dhe përfaqësuesen. Këta djelmosha dalin dhe e mbrojnë Kosovën dhe Shqipërinë”, potencoi Xhaka.
“Në ndeshjen Shqipëri – Serbi në Tiranë, Graniti filloi dhe qau kur një futbollist serb ngriti tre gishta. Më vjen shumë keq që ka ndodhë kështu, por ky ka qenë fati si për Kosovën, Shqipërinë dhe Zvicrën”, përfundoi babai i vëllezërve Granit dhe Taulant Xhaka.
