Janë publikuar pamjet e përplasjes mes pronarit të “Bar Orange” në Sarandë dhe tre të rinjve nga Tepelena dy ditë më parë. Siç shihet dhe dëgjohet nga pamjet e siguruara nga Bweb, të shtënat mes personave nuk kanë të mbaruar. Mes tyre ka edhe sharje nga më të ndryshmet, por është e vështirë të kuptohet. Të shtënat kanë zgjatur për disa momente dhe duket sikur qëllohet nga më shumë se një person. Qytetari, i cili ka kapur momentin, vrapon edhe vetë për t’i shpëtuar ndonjë plumbi.
Kujtojmë se nga kjo përplasje me armë mbeti i plagosur rëndë pronari i Bar Orange dhe një turist shqiptaro-amerikan, i cili rastisi në momentin e përplasjes pranë vendngjarjes. Një nga personat , i cili akuzohet për plagosje është arrestuar dje nga policia. Redjan Hadëri ka pranuar se e ka kryer ai plagosjen.