Sipas një raporti të publikuar nga EUROSTAT, Shqipëria u rendit e fundit për të ardhurat dhe konsumin për frymë, nga ku Prodhimi i Brendshëm Bruto PBB për frymë ishte sa 31% e mesatares së BE-së për vitin 2020. Pas Shqipërisë, më të ulëta i ka të ardhurat Bosnjë-Hercegovina, me 33% të mesatares së BE-së, nga 32% një vit më parë. Ndërsa progresin më të lartë e shënoi Serbia, ku të ardhurat për frymë të së cilës ishin sa 43% e mesatare së BE-së nga 41% që ishin në 2019. Maqedonia ruajti të njëjtin nivel, në 38% të mesatares së BE-së, ndërsa të ardhurat për frymë të Malit të Zi ishin sa 46% e mesatare se BE duke shënuan 4 pikë përqindje në krahasim me 2019, teksa Mali i Zi ishte shteti me rënien më të madhe të PBB-së në 2020-n, me rreth -10%.
Gjithashtu Shqipëria u rendit e fundit edhe në një tregues tjetër, atë të konsumit individual për frymë (AIC), i cili mat kosnumin dhe mirëqenien familjare. Për Shqipërinë, ky tregues ishte sa 40% e mesatare se BE-së në vitin 2020, duke shënuar nivelin më të ulët në Europë dhe Rajon, me rritje prej 1 pikë përqindje nga viti i mëparshëm.