Detaje të reja kanë dalë në dritë në lidhje me ngjarjen e rëndë të ndodhur ditën e djeshme në Sarandë. Policia ka vënë në pranga biznesmenin Spiro Iljadhi i cili mbeti i plagosur, pas një sherri me disa persona për shkak se ka qëlluar me armë ndaj tre autorëve të plagosjes së tij. Bëhet fjalë për Redjan Hadërit, i cili u arrestua ditën e sotme, dhe 2 vëllezërve Andrea Caushi 35 vjeç dhe Visi Caushi 33 vjeç. Kujtojmë se lokali i njohur “Orange” i Spiro Iljadhit i cili u plagos si pasojë e një breshërie plumbash në drejtim të tij, një person ka tentuar ta djegë, por është konstatuar nga policia duke mos e lejuar të realizojë qëllimin. Bëhet fjalë për Luan Obzova, person me precedent të mëparshëm penalë në fushën e narkotikëve.
Njoftimi i policisë:
Ndalohet pronari i lokalit, i cili mbeti i plagosur me armë zjarri gjatë një konflikti me disa persona të tjerë. Në vijim të veprimeve për zbardhjen e ngjarjes së ndodhur mëngjesin e ditës së djeshme, në lagjen Nr. 1, Sarandë, ku mbetën të plagosur me armë zjarri shtetasit S. I. dhe M. J., nga specialistët për Hetimin e Krimit në Komisariatin e Policisë Sarandë u bë ndalimi i shtetasit S. I., 35 vjeç, banues në Sarandë. Ndalimi i këtij shtetasi u bë pasi nga veprimet hetimore ka rezultuar se ka qëlluar me armë zjarri pistoletë ndaj personave të tjerë të përfshirë në konflikt, njeri prej tyre i ndaluar dhe 2 të tjerë të shpallur në kërkim nga Policia. Materialet iu referuan Prokurorisë së Rrethit Gjyqësor Sarandë, për veprat penale “Vrasja në rrethana të tjera cilësuese”, kundër dy ose më shumë personave, mbetur në tentativë dhe “Armëmbajtja pa leje”.