Një zyrtar i lartë kinez, i cili iku në Shtetet e Bashkuara shkurtin e kaluar me vajzën e tij i ka zbuluar qeverisë Biden informacionin rreth "rrjedhjes" së koronavirusit nga një laborator shkencor në Wuhan, i cili bëri që Shtëpia e Bardhë të hetojë përsëri origjinën e virusit vdekjeprurës. Teoria që koronavirusi "rrjedh" nga Instituti i Virologjisë në Wuhan ose një laborator tjetër shkencor në qytetin kinez është përshkruar si një "teori konspirative" nga shumë, megjithëse dihet që në laboratorët e Wuhan shkencëtarët hulumtuan koronavirusët që vijnë nga lakuriqët e natës .
Zyrtari është 57-vjeçari Dong Jingwei, një zëvendës ministër në Ministrinë e Kinës së Sigurisë Kombëtare, e cila praktikisht është Shërbimet Sekrete të vendit. Lajmi që zyrtari i lartë kinez ishte dorëzuar në Shtetet e Bashkuara ka dalë në dritë ditët e fundit, pas thashethemeve që qarkullojnë në mediat sociale kineze. Gjithçka filloi me një tweet nga Han Lianchao, një ish-zyrtar i Ministrisë së Jashtme kineze, i cili u dorëzua në Shtetet e Bashkuara pas protestave të përgjakshme në Sheshin Tiananmen në 1989. Në një postim që ai bëri më 16 qershor, ish-zyrtari kinez deklaron se Jingwei u dorëzua në Shtetet e Bashkuara. Ai pretendon se dorëzimi i Jingwei u diskutua në një takim të zyrtarëve kinezë dhe amerikanë në Alaskë në mars, por Shtetet e Bashkuara refuzuan ta dorëzonin spiunin kinez.
Burimi:enprotothema.gr Përktheu dhe përshtati:JOQ ALBANIA
