Një ngjarje e rëndë ndodhi dy ditë më parë në Greqi, ku një 50-vjeçare shqiptare u përdhunua nga një autor i dyshuar nga Bullgaria. Raportohet se ai është identifikuar nga policia dhe po punohet për kapjen e tij. Rezulton se 34-vjeçari është arrestuar edhe 5 vite më parë, po për përdhunim dhe u la i lirë në vitin 2020. Ai u dënua pasi hyri në shtëpinë e një të reje të cilën e përdhunoi duke i thënë të resë, se do e pësonte rëndë nëse do të tregonte ngjarjen. Ai më pas u arrestua nga policia dhe për atë akt, u dënua me 5 vite heqje lirie. Ndërkohë 50-vjeçarja shqiptare, me profesion pastruese, po punonte në një ndërtesë në Athinë, ku bullgari e futi me forcë në shtëpinë e tij dhe më pas e përdhunoi.
Sipas asaj që raportohet në mediat greke, 34-vjeçari e ka përdhunuar gruan për orë të tëra. Për momentin shqiptarja ndodhet në spital në gjendje të rënduar psikologjike dhe me plagë të shumta në trup.
Burimi: in.gr | Përktheu dhe Përshtati: JOQ Albania