Detaje të reja janë zbuluar në lidhje me vrasjene 20-vjeçares Caroline nga bashkëshorti i saj i cili sajoi një super grabitje dhe fajin ua hodhi shqiptarëve. Mediat greke kanë zbuluar se një ndër detajet që i bëri përshtypje oficerëve të policisë që kontrolluan shtëpinë ishte dëshmia e 32-vjeçarit se gjatë momenteve që ishin kërcënuar nga grabitësit, ai i kishte thënë atyre se mbante fshehur 9 500 euro në një kuti me mbishkrimin “Monopoly”. Por gjatë kontrolleve në banesën e tij, policia ka zbuluar se kutia ishte hapur me kujdes dhe nuk ishte grisur ose hapur me shpejtësi siç ndodh shpesh gjatë grabitjeve, ku autorët nuk kanë kohë për “t’u sjellë mirë”.
Ky është një ndër detajet solli dhe arrestimin e tij nga policia pasi kishin kaluar 37 ditë që nga 'grabitja' dhe vrasja e gruas së tij nga vetë ai. Sakaq ditën e djeshme piltoti 32-vjeçar u shpreh se është penduar për atë çfarë kishte bërë dhe se do të donte ta kthente kohën pas.
