Vazhdon abuzimi me paratë publike nga vetë Ministria e Shëndetësisë dhe institucionet në varësi të saj. Këtë radhë behet fjalë për një tender të shpallur me fitues nga QSUT drejtuar nga Enkel Joti, ku në një tender me objekt: “Mirëmbajtje e pajisjes Akselerator Elekta/ose ekuivalent”, i është dhënë me 100% të Fondit Limit kompanisë “Linear Shpk” të Kristaq Shuperkës me vlerë 647 Milionë Lekë. Ky tender është klasifikuar me REFLAG për Mungesë Konkurrence pasi kompania e Shuperkës ka konkurruar me veten dhe është shpallur fituese nga spitali më i madh në vend.
Por rezulton se kjo kompani nuk ka vetëm një tender më flamur të kuq, gjë që e bën të ekspozuar për dyshime si e përfshirë në listën e kompanive klienteliste që kanë lidhje me drejtuesit e këtyre institucioneve shpërdoruese të parave publike. Nga 4 tendera të përfituar në fushën e Shëndetësisë, 3 i ka të shënuar me flamur të kuq. Vlera përfituese totale e tenderave të kësaj kompanie në këtë fushë është 1.6 Milard Lekë.
Rezulton se kjo kompani i ka të gjitha tenderat e përfituar nga QSUT pothuajse me 100% të Fondit Limit. Një tender i ngjashëm me këtë të fundit të fituar është edhe një i tillë i datës 20 Maj me të njëjtin objekt me vlerë të ngjashme me të fundit i cili është po ashtu i klasifikuar me REDFLAG.
Shuperka veçse zotërues me 100% i aksioneve të kompanisë që ka fituar tenderin, është edhe zotërues me 33.33% i kompanisë ALF shpk së bashku me dy ortakë të tjerë.
KRISTAQ SHUPERKA
© 2021 JOQ ALBANIA Të gjitha të drejtat e rezervuara
Ky artikull është ekskluziv i JOQ ALBANIA, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar JOQ ALBANIA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.