Është identifikuar vajza që u përplas pasditen e sotme në Tiranë në rrugën "Xhanfize Keko" pranë zonës së Kinostudios. Mësohet se ajo quhet Xhesina Gega dhe është 23 vjeç (në fillim u raportua 30). Ajo u aksidentua rëndë nga 19-vjeçari Jehon Breçani i cili po ecte me shpejtësi me automjetin tip "Benz". Breçani është djali i Erzen Breçanit, ish-drejtues i policisë. Nga ana tjetër 23-vjeçarja është në luftë me jetën në Spitalin e Traumës në Tiranë, pasi ajo ka dëmtime të rënda në njërën këmbë. Ende nuk dihet gjendja e fëmijës, pasi siç u mësua ajo ishte shtatzënë. Sipas dëshmitarëve Jehon Breçani ka qenë duke lëvizur me shpejtësi të lartë kur ka humbur kontrollin e mjetit tip "Benz" dhe ka përfunduar në trotuar duke marrë përpara të renë.