Një 18-vjeçare në Itali ka ndërruar jetë si pasojë e një tromboze, pasi kishte marrë vaksinën AstraZeneca kundër Covid. Mediat vendase raportuan se Camilla Canepa iu nënshtrua një operacioni për të hequr trombin dhe për të ulur presionin në tru por nuk mundi të mbijetonte. Ajo ishte vaksinuar me AstraZeneca më 25 maj, ditën kur kjo vaksinë nisi t’u bëhet edhe personave mbi 18 vjeç. Më 3 qershor ajo filloi të shfaqte disa simptoma dhedy ditë më pas u shtrua në spital në spitalin San Martino në Genova, dhe gajtë ditëve në vijim iu nënshtrua dy operacioneve. Ditët e fundit, gjendja e saj u rëndua së tepërmi, derisa erdhi momenti që nuk arriti të mbijetonte më.
“Fatkeqësisht, disa orë më parë, Sestri Levante u godit nga një zi që ne kurrë nuk dëshironim ta përjetonim” – u shpreh kryetarja e bashkisë Valentina Ghio. “Administrata komunale dhe i gjithë qyteti mblidhen rreth familjes së vajzës që u shua sot. Në këtë moment dhimbjeje unë shpreh gjithë dashurinë dhe afërsinë time me familjen e Camilla-s”- shtoi ajo.
Burimi: corriere.it |Përktheu dhe Përshtati: JOQ Albania