Kryetari i bashkisë së Kukësit Safet Gjici në një video të publikuar në rrjetin e tij social "Facebook" ka arritur të tërheqë vëmendjen e të gjithëve pasi nget makinën tip "Land Cruiser” pa rrip sigurimi. Gjatë një vizite në fshatin Xhaferaj, Gjici ka ndjekur nga afër ecurinë e punimeve të segmentit ku po ndërhyhet. Edhe pse ishte duke ngarë në një rrugë të thepisur dhe me shumë probleme, Gjici nuk shqetësohet aspak nga alarmi i vazhdueshëm i makinës për të vënë rripin e sigurimit i cili është i detyrueshëm. Gjici e vazhdoi bashkëbisedimin me ndjekësit e tij dhe në asnjë moment nuk e vendosi rripin e sigurimit.