Elisane Silva, 26 vjeç, nga Salinopolis, Brazil, ka marrë titullin 'Gruaja më e gjatë e Brazilit' për shkak të gjatësisë së saj 215 cm. Ajo është anëtarja më e gjatë e familjes së saj dhe i bën hije burrit të saj, Francinaldo Da Silva Carvalho, 31 vjeç, i cili është vetëm 160 cm i gjatë.
Në kohën kur Elisane ishte 10 vjeç, ajo ishte 164 cm. Një rrjet televiziv kombëtar pagoi për diagnostikimin e saj mjekësor gjë që familja e saj nuk mund ta përballonte, në këmbim që historinë e saj ta bënte publike. Ajo kishte një tumor beninj në rritje në gjëndrën e hipofizës që kishte shkaktuar një mbiprodhim të hormonit të rritjes, një gjendje e njohur si 'gjigantizëm'. Elisane, e cila dikur bullizohej për gjatësinë e saj, e ka pranuar veten siç është dhe po punon për tu bërë një modele profesioniste.
Burimi: DAILY MAIL | Përktheu dhe Përshtati: JOQ ALBANIA