Një përplasje me armë zjarri ndodhi ditën e sotme në Fier mes policisë dhe 29-vjeçarit nga Patosi Greseld Shpataraku. Së fundmi në zonën ku ndodhi përplasja pas gjetjes së një sasie lënde narkotike e mbjellë në kubikë, kanë zbarkuar mbi 100 forca policie të cilat po bëjnë krehjen e zonës. Mësohet gjithashtu se SHÇBA në bashkëpunim me Prokurorinë e Fierit po kryejnë hetimin për grupin që zhvillonte kontrollin rutinë në territor. Pas shkëmbimit të zjarrit me policinë, 29-vjeçari është dërguar në spital dhe ndodhet në reanimacion. Përplasja ndodhi pasi një grup efektivësh të cilët po kontrollonin zonën për kultivim narkotikësh është përballur me një person të armatosur me kallashnikov në fshatin Gjorgoz në Cakran të Fierit. Ai ka refuzuar të lëshojë armën dhe ka tentuar të qëllojë në drejtim të efektivëve të policisë, ku këta të fundit kanë ndërhyrë për ta neutralizuar dhe e kanë plagosur.