Sipas një studimi të Organizatës Botërore të Shëndetësisë puna me orare të zgjatura, pra më shumë se 55 orë në javë rrit rrezikun e vdekjes nga sëmundjet e zemrës dhe sulmit në tru. Gjithashtu, sipas studimit kjo gjë mund të përshpejtohet më tej për shkak të pandemisë së Covid-19. Sipas studimit, 745,000 njerëz vdiqën nga goditja në tru dhe sëmundjet e zemrës të shoqëruara me orë të gjata pune në 2016. Kjo ishte një rritje prej gati 30% nga 2000.
"Puna 55 orë ose më shumë në javë është një rrezik serioz për shëndetin. Ajo që ne duam të bëjmë me këtë informacion është të promovojmë më shumë veprim, më shumë mbrojtje të punëtorëve.",-tha Maria Neira, drejtoreshë e Departamentit të OBSH-së për Mjedisin, Ndryshimet Klimatike dhe Shëndetin.
Në përgjithësi, studimi duke u bazuar në të dhëna nga 194 vende, tha që të punosh 55 orë ose më shumë në javë shoqërohet me një rrezik 35% më të lartë të goditjes në tru dhe një rrezik me 17% më të lartë të vdekjes nga sëmundja ishemike e zemrës.
Studimi mbuloi periudhën 2000-2016, dhe kështu nuk përfshiu pandeminë Covid-19, por zyrtarët e OBSH thanë që rritja e punës në distancë dhe ngadalësimi ekonomik global si rezultat i urgjencës së koronavirusit mund të kenë rritur rreziqet.
Burimi: www.reuters.com| Përktheu dhe përshtati: JOQ ALBANIA
