Vaksina Pfizer është miratuar për përdorim tek fëmijët amerikanë nga mosha 12-vjeçare, pas miratimit të saj nga Administrata Amerikane e Barnave dhe Ushqimit. Megjithatë shkencëtarët janë të ndarë nëse kjo është mënyra më efikase për zhdukjen e pandemisë. Kjo sepse shumë njerëz në vende të varfra ende po presin të marrin dozën e parë të vaksinës. Rregullatori Amerikan zgjeroi përdorimin e vaksinës Pfizer tek fëmijët e moshës 12 vjeçare, me qëllim imunizimin e tyre dhe kthimin në shkollë pas pushimeve verore këtë vit. Kompania farmaceutike Pfizer thotë se vaksina u ofron të fëmijëve mbrojtje kundër virusit duke i ka kërkuar edhe Agjencisë Europiane të Barnave që ta miratojë përdorimin e saj tek adoleshentët.
Nga ana tjetër shumë prindër shprehin shqetësimin se do të ketë efekte anësore pas bërjes së vaksinës brenda gjashtë javëve nga marrja e dozës. Efektet anësore të vaksinës COVID-19 te fëmijët janë të njëjta si te të rriturit, të tilla si: dhimbje krahu, dhimbje muskulore dhe ethe. Efektet anësore zakonisht nuk zgjasin më shumë se 24-48 orë. Universiteti Stanford njoftoi fillimin e fazave testuese 2 dhe 3 për të rinj tashmë të regjistruar, për të përcaktuar nëse vaksina krijon imunitet dhe parandalon COVID-19 tek fëmijët mes moshës pesë dhe 11 vjeçare. “Kjo është e rëndësishme për disa arsye, sepse fëmijët infektohen, sëmuren dhe mund të vdesin. Kemi parë mbi 3.5 milionë fëmijë amerikanë që janë infektuar me COVID-19, mijëra prej të cilëve janë shtrirë në spital dhe rreth 600 kanë vdekur. Aktualisht COVID-19 është shkaktari kryesor i vdekjes së fëmijëve që nga fillimi i pandemisë. Edhe pse numrat tingëllojnë si të vegjël, prapë ka numër të lartë vdekjesh në përgjithësi të fëmijëve nën 18 vjeç”- tha Yvonne Maldonado, profesor në Universitetin Stanford.
Ajo shton gjithashtu se fëmijët nën moshën 18-vjeçare përbëjnë 25% të popullsisë amerikane ose 85 milionë banorë, ndaj dhe është me rëndësi që ata të vaksinohen. Gjithashtu në SHBA, kthimi në normalitet në institucionet arsimore shihet i lidhur në mënyrë të domosdoshme me vaksinimin e fëmijëve.
Burimi: lancasteronline.com |Përktheu dhe Përshtati: JOQ Albania