Është zbuluar një rrjet i organizuar në Vranjë, që shiste nga 40 euro një vaksinë kundër koronavirusit. Vaksinat kryesisht i shiteshin qytetarëve nga Maqedonia e Veriut, kanë njoftuar mediat në Beograd.
Sipas këtyre informacioneve, autoritetet e sigurisë në vendin fqinj kanë ndaluar dy persona, të cilët dyshohet si ishin pjesë e një rrjeti të organizuar, ku dyshohen se janë të përfshirë edhe mjekë.
Po ashtu bëhet e ditur se po hetohen të gjitha pistat e dyshimta se kush i siguronte dhe nga dilnin vaksinat, kush ndante pazarin dhe se sa mbërrinin çmimet për një vaksinë.
Në këtë rrjet dyshohen përfaqësues të Partisë Përparimtare Serbe (SNS) të Aleksandar Vuçiqit, që mbajnë funksione të larta.
Një pjesë e mediave nga presioni i pushtetit kanë heshtur këtë lajm. Por siç bëhet e ditur mijëra qytetarë nga Maqedonia e Veriut janë vaksinuar në Serbi, për shkak të mungesës së vaksinave në vend.