Ditën e djeshme Rusia vendosi të ndalonte hyrjen në territorin e saj të tetë zyrtarëve të BE-së si shenjë "hakmarrjeje" ndaj sanksioneve të vendosura për qytetarët rusë nga ana e unionit. Ministria e Jashtme ruse e renditi presidentin e Parlamentit Europian David Sassoli dhe Jourová-n midis tetë zyrtarëve të ndaluar, për shkak të sanksioneve të vendosura nga BE muajin e kaluar mbi dy rusët e akuzuar për persekutimin e homoseksualëve në Çeçeni. BE ka vendosur gjithashtu sanksione ndaj katër zyrtarëve mjedisorë rusë, përfshirë Vladimir Putin. Ndërkohë ky vendim nga ana e Putin nxiti kritika të forta dhe vuri në lëvizje Bashkimin Europian. Komisioneri Ekonomik Europian Paulo Tzentiloni, i cilëson sanksionet "si të pajustifikuara dhe të padobishme”.
Ministria e Jashtme ruse nuk dha arsye pse "ishin në shënjestër" pikërisht ata zyrtarë europianë, por deklarata e saj iu referua sanksioneve të vendosura nga BE pak javë më parë. Më 2 mars, BE dhe SHBA vendosën sanksione ndaj zyrtarëve të lartë rusë në përgjigje të sulmit dhe burgosjes së liderit të opozitës Alexei Navalny. Më 22 mars, BE sanksionoi dy rusë të akuzuar për përndjekje të njerëzve homoseksualë dhe lezbikeve në rajonin jugor të Çeçenisë.
Burimi: Politico |Përktheu dhe Përshtati: JOQ Albania
