Sporti është tronditur gjatë fundjavës pas lajmit se disa prej klubeve me të mira të Europës do të largohen nga Champions League për të krijuar një format tjetër futbolli, SUPER LEAGUE. Pas shumë polemikave dhe kundërshtive nga tifozët por edhe përfaqësues të ndryshëm të klubeeve ka ardhur edhe reagimi i UEFA-s. Mediat italiane njoftojnë se komiteti ekzekutiv i organizatës më të lartë evropiane të futbollit, në takimin në Montreux në Zvicër, ka miratuar në mënyrë unanime formatin e ri të Ligës së Kampionëve me 36 skuadra. Nga sezoni 2023/2024, pra, katër skuadra të tjera do të marrin pjesë në garë me një formulë plotësisht të rinovuar. Secila skuadër, në një lloj mini-kampionati në një grup, do të luajë dhjetë ndeshje: 5 në shtëpi dhe 5 jashtë, gjithmonë me kundërshtarë të ndryshëm, për të arritur në raundin e 16-të ku tetë më të mirët do të kualifikohen.
Ekipet e renditura midis vendit të 9-të dhe 24-të do të luajnë play-off për tetë vendet e mbetura. PSG gjithashtu mbështeti formatin e ri, si dhe Borussia Dortmund dhe Bayern Munchen të cilët kishin shprehur tashmë mbështetjen e tyre për iniciativën e UEFA-s kundër Superligës në mëngjes.
La risposta della UEFA: approvata nuova #UCL a 36 squadre https://t.co/KXVeIeBYPq pic.twitter.com/jJ0X9hCxXq
— Gianluca Di Marzio (@DiMarzio) April 19, 2021