Lideri i opozitës në Rusi Alexei Navalny është në një gjendje tepër të rënduar shëndetësore dhe mund të pësojë arrest kardiak në 'çdo minutë', paralajmëroi sëfundmi mjeku i tij. Rivali më i njohur i Vladimir Putinit , 44 vjeç, u arrestua në shkurt dhe do të vuajë dy vite e gjysmë burg, për akuzën e përvetësimit të pronave, gjë që e ka kundërshtuar. Gjashtë muaj më parë, ai mezi i mbijetoi një helmimi, për të cilin ia ka hedhur fajin Kremlinit.
Më shumë se 70 shkrimtarë, artistë dhe akademikë të shquar ndërkombëtarë, përfshirë Jude Law, Vanessa Redgrave dhe Benedict Cumberbatch, i kanë bërë thirrje Putinit për të siguruar që Navalny të marrë trajtimin e duhur menjëherë. Në këtë çështje ka ndërhyrë edhe presidenti i SHBA Joe Biden, i cili u tha gazetarëve se trajtimi i tij ishte jo i mirë në ato kushte dhe duhej të ndërhyej menjëherë.
Burimi: DailyMail | Përktheu dhe Përshtati: JOQ ALBANIA