"Me Mimin kishim një lidhje të largët, për shkak të prindërve, dhe unë isha i vogël kur prindërit e Mimit vinin për vizitë në shtëpinë tonë bashkë me Mimin. Mimi ishte një super kinge, me flokë të gjata, nga ato lloj kingesh që kur futen në jetën e një pubertari krijojnë fantazira dhe gjëja që bëja unë ishte… ne kishim një fushë basketbolli poshtë pallatit dhe Mimi vinte, unë dilja poshtë dhe gjuaja që të tregoja sa i zoti isha për të bërë kosha, por deri këtu, asgjë më shumë se kaq."- u shpreh Rama dje për ish-ministren Mimi Kodheli.
Kjo deklaratë e fortë ‘gjuajtjeje publikisht’ si një fiksim i vjetër i Ramës, u komentua gjerësisht në media, teksa ditën e sotme Mimi Kodheli foli vetë në lidhje me fjalët e kryeministrit. “Bëri edhe njëherë shaka kryeministri. Prindërit kanë qenë miq, ne jemi të një moshe, e kemi parë njëri-tjetrin duke u rritur”, u shpreh Kodheli ndër të tjera.
