Gjirokastra është padyshim një prej qarqeve më të varfra, duke përmendur këtu numrin e lartë të të papunëve dhe me emigrime masive çdo periudhë të vitit. Në këtë zonë investimet për fermerët kanë qenë më të ulëtat nga ana e qeverisë duke shtuar këtu edhe mbylljen e 12 drejtorive rajonale gjatë 8 viteve.
Shumica e banorëve në Gjirokastër mbijetojnë me të ardhurat e emigrimit sezonal në Greqi ose me asistencë ekonomike. Në qarkun ky synon të dalë deputet, ministri i Ramës Bledi Çuçi ka hedhur vetëm gjatë ditëve të fundit më shumë se 100 milionë lekë për fasada dhe postera, raporton Standard.
Një nga posteri më poshtë është vendosur këto ditë në hyrje të qytetit. Madhësia e reklamës në këtë zonë është vetëm për bizneset e mëdha dhe kushton disa milionë lekë për pak ditë. Ndërkohë në gjithë rrugët e Gjirokastrës ka postera të tillë kundër opozitës. Në vend të investimeve, vendeve të punës dhe projekteve, ministri Çuçi u premton gjirokastritëve vetëm sharje dhe fyerje ndaj opozitës.
