Një aksident i rëndë u regjistrua ditën e sotme në fshatin Raçë të Gjakovës. Për pasojë humbën jetën tre persona, të cilët janë identifikuar nga ana e autoriteteve. Sipas mediave kosovare raportohet se dy nga viktimat janë nga Kosova dhe një nga Shqipëria. Bëhet fjakë për shtetasit: Rokson Domgjonaj, Pjetër Ndrecaj si dhe bashkëshortja e tij nga Shqipëria, Blerina Meqaj. Në aksident u përfshi një automjet tip “Ford” brenda të cilit ushëtonin tre personat. Shkak i aksidentit të rëndë dyshohet të jetë bërë shpejtësia tej normave të lejuara dhe lagështia e rrugës.